Sæunn Stefánsdóttir

Á laugardaginn var fór fram fegrunar- og hreinsiátak í Vesturbænum en það er liður í verkefninu Tökum upp hanskann fyrir Reykjavík sem nýr borgarstjórnarmeirihluti hratt af stað síðasta sumar.

Vesturbæingar eru almennt stoltir af hverfinu sínu og líður þar vel. Reynslan sýnir að hafi fólk einhvern tímann búið í Vesturbænum vill það gjarnan búa þar áfram. Við höfum jú Vesturbæjarlaugina, íþróttafélagið okkar - KR, Ægisbúa, góða skóla, Melabúðina, Skerjafjörðinn, göngustíginn við Ægisíðuna, Háskólabíó, Landakotstúnið, okkar gróna hverfi og svona mætti áfram telja. En alltaf má gera gott betra.