Sæunn Stefánsdóttir

Milli 40 og 50 manns mættu á opinn íbúafund hverfisráðs Vesturbæjar í safnaðarheimili Neskirkju í gærkvöldi. Þar kynnti ég starfsemi hverfisráðsins og þau verkefni og erindi sem við höfum haft á okkar borði. Sif Sigfúsdóttir, varaformaður ráðsins, kynnti svo fyrirhugað hreinsunarátak í Vesturbænum en það hverfi verður fyrst hverfa í Reykjavík í átaki borgarinnar þetta sumarið.

Vesturbæingar eru almennt ánægðir með hverfið sitt og líður þar vel. Reynslan sýnir að hafi fólk einhvern tímann búið í Vesturbænum vill það gjarnan búa þar áfram. Við höfum jú Vesturbæjarlaugina, íþróttafélagið okkar - KR, góða skóla, Melabúðina, Skerjafjörðinn, göngustíginn við Ægisíðuna, Háskólabíó, Landakotstúnið, Neskirkju, okkar gróna hverfi og svona mætti áfram telja. En alltaf má gera betur og í þeim tilgangi stendur hverfisráð Vesturbæjar fyrir opnum íbúafundi mánudaginn 23. apríl nk. kl. 20 í Safnaðarheimili Neskirkju.