Sæunn Stefánsdóttir

Rætur Framsókarflokksins liggja meðal fólksins í landinu. Flokkurinn er byggður á lýðræðishugsjónum fjöldahreyfingar sem búa vill í sátt við menn og náttúru. Flokkurinn hefur frá fyrstu tíð staðið vörð um atvinnu og uppbyggingu atvinnulífsins um land allt. Samvinnufélögin byggðust upp af samtakamætti fólksins í baráttu fyrir atvinnu og bættu mannlífi.

Ég sagði einhvers staðar að við, bæði frambjóðendur og kjósendur, ættum betra skilið en að uppistaða pólitískrar umræðu í fjölmiðlum sé um skoðanakannanir og hvort fylgisbreytingar eru innan eða utan skekkjumarka.

Í morgun beið mín meðal blaðanna afar sérstök útgáfa DV borin í hús á höfuðborgarsvæðinu og e.t.v. víðar. Þarna var um að ræða sérblað DV, uppfullt af áróðursefni gegn ríkisstjórn Framsóknarflokks og Sjálfstæðisflokks hins eldri, þ.e. Sjálfstæðisflokks Davíðs Oddssonar. Í blaðið skrifar m.a. Hreinn Loftsson en hann er sem kunnugt er stjórnarformaður Baugs og DV, auk þess að hafa verið aðstoðarmaður Davíðs Oddssonar á tíma Viðeyjarstjórnar Sjálfstæðisflokks og Alþýðuflokks.